Laugarvatn Fontana

Laugarvatn Fontana er heilsulind sem nýtir jarðhitann á Laugarvatni. Þar er gufubað, sauna, laugar og svo aðgangur í Laugarvatnið sjálft.

Gufan er byggð yfir náttúrulegum hver en rimlagólfið hleypir gufu hversins beint inní gufuklefana. Hitastigið er þannig breytilegt eftir náttúrulegum kringumstæðum en frá 40°C til 50°C.

Saunan er sánabað að finnskri fyrirmynd. Þar er hitastigið á bilinu 80°C – 90°C en rakastigið er lægra en í gufubaðinu.

Laugarnar eru fjölbreytilegar og mismunandi heitar. Þar eru svæði til slökunar og hvíldar. Í suðurenda lauganna er svo heitur pottur.

Hægt er að ganga frá laugunum út á bryggju og vaða svo þaðan út í frískandi vatnið. Í vatninu eru heitar uppsprettur sem gerir það hlýrra við ströndina og kólnar svo þegar farið er lengra út í vatnið.