Ylströnd, Nauthólsvík

Ylströndin í Nauthólsvík er manngerð strönd með heitum potti, upphitað sjávarlón og vaðlaug. Ylströndin hefur fest sig í sessi sem paradís í borgarlandinu og á góðum sumardögum flykkjast innlendir sem erlendir gestir á ylströndina.

Aðstaðan er mjög góð en þar er þjónustumiðstöð með búnings – og sturtuaðstöðu. Þar er einnig veitingasala og grillaðstaða. Fyrir framan þjónustumiðstöðina er svo löng setlaug.

Hitastig:

• Setlaug;  38°C
• Heitur pottur í sjávarmálinu:  30 – 39°C
• Sjávarlón innan grjótgarða:  15 – 19°C (eingöngu upphitað á opnunartíma yfir sumarmánuði)