COVID-19 - Upplýsingar um sundlaugar

Seljavallalaug

Seljavallalaug var byggð 1923 og er 25 metra löng. Þar er engin þjónusta til staðar lengur og því enginn aðgangseyrir rukkaður.  Laugin er þrifin einu sinni á ári af sjálfboðaliðum. Eftir eldgosið í Eyjafjallajökli fylltist laugin og svæðið af ösku en var svo þrifið seinna, einnig af sjálfboðaliðum.

Til að komast að lauginni er ekið eftir þjóðvegi 1 og beygt inná veg no 242. Bílnum er lagt í bílastæði fyrir Seljavallalaug og þaðan er gengið í rétt tæpan kílómeter að lauginni.  Athugið þó að gestir fara ofaní á eigin ábyrgð en þar getur verið sleipt.  Einnig, líkt og í öðrum laugum, skulu gestir ganga vel um og taka allt rusl með sér tilbaka.