Hrunalaug er náttúrulaug í Hrunamannahrepp, nálægt Flúðum.  Laugin er í einkaeigu og hefur verið í eigu sömu fjölskyldu frá því að hún var byggð í kringum 1890.  Þrátt fyrir vinsældir laugarinnar þá býður hún uppá afslappandi dvöl og ógleymanlega heimsókn.

Hrunalaug er í raun þrjár laugar, Þvottalaug, Kindalaug og svo ferðamannalaug.  Þvottalaugin er elst og var ætluð fyrir heimilisþvott og þvott á heimilisfólki.  Kindalaugin var byggð um 1935 af Steindóri Eiríkssyni sem var afi núverandi eigenda. Á tveggja ára fresti þurfti að baða kindurnar til að draga úr líkum á sjúkdómum.  Það var hætt að nota laugina um 1980.

Ferðamannalaugin var búin til 2017 til að mæta þörfum ferðamanna sem vildu heimsækja Hrunalaug.