Íþróttamiðstöðin Búðardal

Í hjarta Búðardals er að finna nýja og glæsilega íþróttamiðstöð þar sem hægt er að eiga góðar stundir, hvort sem markmiðið er slökun, hreyfing eða leikur.

Í miðstöðinni er að finna 25 metra útisundlaug, heita potta, vaðlaug, sauna og kalt ker. Útsýnið frá sundlauginni út á Hvammsfjörð er einstakt sem gerir miðstöðina fullkominn áningarstað fyrir þá sem vilja njóta.

Vatnið í laugina kemur úr borholu í Reykjadal í Dölum og sveiflast hitastig sundlaugar frá 28 til 30°C á meðan heitu pottarnir halda notalegum hita á bilinu 38 til 40°C og vaðlaug um 35°C.

Einnig er hægt að kaupa sér aðgang að vel útbúnum líkamsræktarsal, fyrir þá sem vilja æfa í þægilegri aðstöðu eða þá sem vilja ekki missa úr æfingu á ferð um landið. Þá eru reglulegar og fjölbreyttar æfingar í íþróttasalnum á vegum íþróttafélaga og annarra hópa, fyrir íbúa á öllum aldri.

Íþróttamiðstöðin var tekin í notkun 28. febrúar 2026. Staðsetning hennar er einstaklega hentug – örstutt er í alla helstu þjónustu, hvort sem það er verslun, veitingastaðir, tjaldsvæði eða verkstæði.