Um sundlaugina

Laug: 25m x 10m, 4 brautir, 9m – 4m á dýpt, innilaug.
ATH! Meðan á skólasundi stendur fá börn aðeins aðgang að lauginni í fylgd fullorðinna.

Arkitekt: Guðjón Samúelsson
Byggingarár: 1929-1937
Saga byggingarinnar
Í æviminningum Knud Zimsen, bæjarverkfræðings 1902, kemur fram að hann gerði tillögu að byggingu yfirbyggðrar sundlaugar í Reykjavík, tillagan fékk ekki hljómgrunn í bæjarstjórn Reykjavíkur.

Árið 1927 kemur Jónas frá Hriflu með þá hugmynd að ríkissjóður leggði fram 50 þúsund krónur í Sundhallarbyggingu gegn því að bæjarsjóður legði fram jafn háa upphæð, tilllagan var ekki samþykkt.

Árið 1928 bar ríkisstjórnin fram frumvarp um byggingu Sundhallar í Reykjavík, frumvarpið hljóðaði uppá að ríkið leggði fram 100 þúsund krónur og að borgin legði fram annað eins auk lóðarinnar.

Fyrsta tillaga Guðjóns Samúelssonar var bygging í burstabæjarstíl laugin átti að vera þrískipt, ein laugin átti að vera fyrir börn, önnur stærri fyrir íþróttamenn, sú þriðja átti að vera sjólaug. Hætt var við að byggja eftir fyrstu tillögu Guðjóns, en árið 1929 var byrjað á að byggja Sundhöllina í þeirri mynd sem hún er í dag. Í nokkur ár gekk hvorki né rak með bygginguna vegna fjárskorts. Sundhöllin var loksins tekin í notkun 24. mars 1937.

STÆRÐ BYGGINGAR: 2.661,8 m2
Rúmmál: 9.590,4 m3

STÆRÐ LÓÐAR: 5.250 m2
Fjöldi bílastæða: 30

AÐALLAUG
L: 25 m., B: 10 m.
Mesta dýpi 4,00 m.,
Flatarmál laugar er 250 m2
Heildarvatnsmagn 780 m3
Hitastig 29°C

BARNALAUG
L: 7,2 m., B: 10 m.
Mesta dýpi 1,10 m.,
Flatarmál laugar er 72 m2
Hitastig 32°C

HEITIR POTTAR
Nuddpottur
Hitastig 37-39°C
16,7 m² 17,6 m³

Heitur pottur
Hitastig 40-42°C
10,4 m² 10,9 m³

EIMBAÐ
Opnað árið 2001
6,9 m² 17,3 m³

Leiktæki
Tvö stökkbretti eru í lauginni það lægra er 1,0 m frá vatnsyfirborði það hærra 2,75 m frá vatnsborði. Stökkpallurinn er opinn (ef aðstæður leyfa) mánudaga, þriðjudaga og fimmtudaga kl. 19:30 – 21:30. Miðvikudaga og föstudaga ef aðstæður leyfa. Laugardaga á milli 12:00 – 14:00 og sunnudaga kl. 12:00 – 15:00.

Litla brettið er opið laugardaga á milli 14:00 og 15:30, sunnudaga á milli 15:00 og 17:00 og svo ef aðstæður leyfa á miðvikudögum og föstudögum.